पेनदेंग

पाल्द रोपो पाल बद पाल डगुर?

बेयेना पाल

पुंगड रोपो पुंगर बतता पुंगर डगुर?

कापुसना पुंगर

कायत रोपो काया बतता काया डगुर?

माय्नाना काय

सम्दुर्त रोपो सम्दुर बद सम्दुर डगुर?

पुर्क

पियल मीनडनता नर्का निलनता बतल?

दडमि

चहा दाम्डिंग चह्तेर कुरंग-पड्डंग दोह्तेर। अव बव आंदुंग?

तेर्यवेलि-तेर्यंग

मूंड पेट्टिंग बारा बोमक। बातल आंदु?

जतुर

कार्यल मूरा चह्क तिनता। बति येर सूडसि निलनता। अद बतल?

चेपुल

कुप्पा गुडसेंग वनजि जालिंग। बातल आंदु?

मोसोर

कोर्डो कुहिते काले बोमले मनतोर। इत्तेके बतल?

कसटि

चुड्डुर मंनेके पोनडनता। डगुर आतेके बोंग्डल मनदनता। बतल?

वेद्दुर

पोर्रो गूडा बूड मोसोक इत्तेके बतल?

हिरुक

नोव लाक काडि नेट्‌क्सि वरा इत्तेके बतल?

तल्लदंग केल्क कटिंग कियुस्वल

मेसेल बनडत बूड पेसेल्क पिरनतंग इत्तेके बतल?

हाबर-सुकुक

इट्टा मुचुक मिनडा वसो इत्तेके बतल?

कावड केह्वल

चुडुर पिटतंग रोन मेन बूरंग इत्तेके बतल?

डिवे

सोन सोन बोडका, नाना वासि सेडका इत्तेके बतल?

इरुक राल्वल गारंग आय्वल

सोंनेके डुमल दानतेर। वानेके रुमल दोह्चि वानतेर। वूर बूर आंदिर?

लेहेंग

वोना मेनदुडुन वोरे पाय्वल इत्तेके बतल?

कड अनि मिनदिंग

दानतोर-वानतोर बति बोनय कोजि अरो इत्तेके बतल?

आक्ड

सोन सोनेके चुट्‌कने तूरनता बतल?

ऊच

बोडकल गुट्टातगा कुर्स मेयनता बतल?

मय्ज

कुर्स वितनता पाल तुरनता बतल?

जत्ता अनि पिनडि

सम्दो वेनता बति मच्चाना लंगुटि वेयो बतल?

सारि

लह्क-लह्क तिनता चुननय पेल्कनता बतल?

तडमि अनि नीर

पियल-पोड्द केडा वेलियनता। पोद्रेका वासि कोत्ता अच्चोर जागातगा मन्वल बातल आंदु?

गाय्किना बेड्डे

सोनेके सम्दो पेजे मलसि सूडनतंग, बति उंदि मात्रम सूडो बतल?

पेंने

मूरा बोक्कतुन वहनता। बोक्का पियतुन वहनता इतेके बतल?

कोर, मेस अनि कोर पिलंग

कच्चि बेड्डे टिडिंग इत्ता। सोमाना कोनदा चतक निल्ता इत्तेके बतल?

बानडे अनि माव

आति इनेकेन लंग आय्वलिक अनि मामा इनेकेन करुम आय्वलिक बतंग?

सिव्लिंग

पिय्का इंजेर बच्चोर परपेडे मातेके गिर सापडे मायो बति सिरिप मोसुडेने सापडे मानता। अद बातल आंदु?

वास (गाडि)

मेय्वल इचुसि बति आड्वल गुट्टा पूरो रोनजनता। अद बातल आंद?

बानडे

कड्क बोडलिक मनदनतंग बति रकेसल आयोर। तलातल पोया पेसियनता बति बूत आयोर। सरसरा वितनता बति तरस आयो। निमे बातल आंद इनति?

रेल गाडि

मुविर तादल-तमुर रात-दिहा अविवकने ताक्सेरेन मनदनतेर। वूर बूर आंदिर?

गडितगा मन्वलिक मूंड काटंग

रोन-रच्चा तिरियनता मूलाते वासि उद्दनता। अद बतल?

केय्सर

ममोट येड्विर तादल-तमुक वोरोर-वोरोर मतेके वेहा पर्वि बति मीरे मासि मत्तेके वेहनति। ममोट बूर आंदुम?

कमल पट्टि

रोन पूरो वेड्चि सीसेर तन्वा तनय मिंग्वल बातल आंदु?

होम बत्ति

आकि मरुम बाकि

साप

इचुर्सा कानडि वेलुक-वेलुक कडनतोर

सुय

उंदि सीसातगा रेनड रंक मदनतंग

मेस

गुस्रल गुटदगा पद्दि कूडनता

डाडि पुर्कि

चुड्डुसा कानडिन नडिमेन गाग्रंग

सडयि मोरोल

चुड्डुसा कानडिन रग्गल रुमल

कोह्क

नरुम्सेर मदानता बति कड्क मुहो

मीन

नोव लाकना उंदि दर्वजा

आडे

पुतित बौतल ऊतिंग तिरियनतंग

कल

मुने-मुने कुर्स वितनता पेज्जेय पाल तुरनता

जत्त

मोटा मोटा गर पोडते

गूसि