अपोस्तुल्क्नंग कार्वय्क

पुस्तकुन बारेते वोड्कि अरुस्वल गोस्टि
इद चिट्टि लिहि कीतोना पोरोल्: लूका डाक्टर
लिहि कीता साल्: किरिस्तु सकम लग-बग 60-63 साल्कुन नड्डुम।
मुक्के गोस्टि:
किरिस्तु सिंगर दीप्नेके सोत्ता पेजे तंवा आत्मा सक्तितुन बक्तलिर्गा सारि कीसि बातंग मय्मतंग अनि अद्बुत कार्वय्क कियुस्तोर। इतेके सातुर वूर, येड्कि-दुक्नुर, केय-काल्क अर्तुर अनि कूटलिर्कुन बद तीर्दे येसु पर्बु चोकोट कीतोर इंवलिक वेल्ले कार्वय्क दुस्रो-दुस्रो पर्जत नड्डुम जर्ग्तंग।
इंके गिर जर्ग्सेर मंतंग इंजेर इवेन बारेते निरुपन कीसेर डाक्टर लूकल तियोपिला इंवल डगुर अदिकारिन इद चिट्टि लिहि कीतोर। बद तीर्दे बगवंतना कबुर पूरो जग्दुनियतुर लोकुर साटि, वूर सिंगर दीप्नगा ईसा दार्क आयन साटि पग्रे माता। वाचि किय्वलिर मरट गिर येसुनगा बरोसा कीकट्ते, वूर सम्दिर बरोबर सिंगर दीप्नगा सोंजि, मा जीवतोर बाबोन संगा मंदा परंतट। इद पुस्तक पूरो वाचि कीसि कुल्लकुल्ला करि कीकिट इंजेर कोर्सेर मंतोम। दनेवाद!