लूका

इद पुस्तकुन बारेता गोस्टि
लिहि कीतोना पोरोल्: लूका डाक्टरल. वेर लूकल पव्लुनोर चोकोट्नोर दोस्तल आंदुर. पव्लु सेवा किय्ले सोंनेके, वेल्ले जोकंग वोन संगा यात्रा कीतोर आंदुर.
लिहि कीता कालम्: लूकल इद पुस्तकुन मोदोडा पिडितगा लिहि कीतोर. इतेके येसु सासि-नेंड्तंग कहि साल्क्नेन इदेन लिहि कीतोर.
मुक्के गोस्टि: पर्जतुन बचि किय्ले, बगवंतल नेमि कीतोर वोर बचि किय्वल येसु आंदुर. वोर पुट्टन मोदोले, वोन बारेते लिहि कीतंग तोल्लेतंग ग्रंत्क्नंग वचन्क पूरि किय्ले, बगवंतना सेवा बहन सुरु कीतोर. तप्तंग गोरेन दात मंवलिर लोकुर्कुन बचि किय्वले नावा काम इंजेर वेह्तोर. येसु पर्बु, “नरिमन्कनोर तादल” बहन आतोर? इंवल गोस्टितुन बारेते इगे लिहि कीतोर. वोना पुट्वडि, जिन्गनि, माय्नन दात्ना पुट्वडितुन बारते, मेय्तंग सम्दो चोकोट्नंग कबुक्नल्तेर इद ग्रंत्नगा वेले पोडि कीसि लिहि कीतोर.
कालि नावा पोरोल सूड्सि आयो बति, इव काम्कुन सूड्सि तेर ना पोरो बरोसा इरट. अहन इर्किट्ते सदा जीवते स्वर्ग दीप्नगा बगवंतन संगा मंदंतिट इंजेर येसु वेह्तोर. नी पिस्वडा निर्नय नी केय्दे मंता. इद पुस्तक वाचि कीसि, निर्नय येता. दनेवाद!