तीतुन

मोदोडा गोस्टि
पव्लु इन्वल बगवंतनोर वोरोर बोदा गुरु आंदुर। बगवंतल वोन वेल्ले देस्क्ने सोंजि, लोकुर्कुन बोदा वेहा इंजेर सारि कीतोर। तीतु इंवल वोरोर डियोर पव्लुन संगा मीरे मासि, येरुसलेम चहर्ते मंदुर।
येसु सासि नेंड्ता पेजे, कमि जादा तीसा साल्क आतुपर पव्लु इद चिट्टि लिहि कीतोर। तीतु अनि पव्लु केरेतु इंवल लंकते बगवंतना चोकोट्ना कबुर पर्चर किय्ले सोत्तेर। केरेतु लंका सम्दुर्तुन नड्डुम (ग्रीस अनि टर्कि देसेल्क्ना कालन बाजुन) मंता। पव्लु तीतुन संगा “बक्तलिर्कुन मदत कियन साटि निमे इगे मन” इंजि, केरेतु लंकतल दुस्रो जागते सोत्तोर।
अद लंकतगा पूना-पूनि बरोसतगा वातुर मत्तेर। ते वूर साटि बातुर अदिकारिर्कुन अनि वूर्कुन बहन नेमि कियना इंजेर पव्लु इद चिट्टितगा तीतुन लिहि कीतोर।
अगा वीरे आय्वा वेल्लेटिर लबड बोदा वेह्वलिर गुरुर गिर मत्तेर। आतुर गुरुरा बोदतुन निमे केंज्मा अनि वूर्कुन दम्कि सीसि, वूरा बोदतुन आपुसा लागर इंजेर पव्लु वेह्तोर।
बगवंतन पोरो बरोसा इर्तुर तम्वा जिन्गनितुन रोपो बद तरिकते अनि बहन पिसना इंवल करुसीम इंजि पव्लु तीतुन वेह्तोर। बगवंतना इच्चा तीर पिस्तेके, सदा पिस्वल सिंगर दीप्ना जीवा पुटंता इंजेर इद पुस्तक्नगा वेह्चेर मंतोर।