adhikandamu

kali gade mayvada vodki arusval gosti marat poro sudtheke dhisval habar ani adh habadal dhihathun ropo makun vedci ani garmi siser basket gir manval poddh. rathun vedci siser manval nelenj, mink-mink midcer habadaga dhisvalik sukuk bahan nivde masi mandhanung? bor nivdi kisi mandhanir inval gosti nikun basken vatha ki? iv poddh nelenj ani sukukun hindhal undhi dhivos. adh dhivosun ropo undhi rath ani undhi dhiha. vardhun yedung rojk, saldhun bara mahinang, saldhun ropo mundh kalamk itheke yeddhi-galum, pir-galum ani pini-galum bahan nivde mathang? iv samdhon inke bor thakuser manthor? ahne marat manval icor dagur dharthurith ani adh dharthurith poro piser manvalik piyang-kalk, purg-busi, pite-purad, kedatha jivras ani yeth ropo manval jivras. iv samdho jivras bahan nivde masi mandhar? asal bor nivdi kisi mandhanur? marat dharthurith poro pisi manle, idh mendhol avana pite bor thayar kisi mandhanur? idh mendhodun ropo makun jiva bon'gatal vasi mandhar? kali sudan sati kadk, savadh sudan sati venjer, kenjan sati kevk, kamk kiyan sati keyk ani kalk, sonc vicar kiyan sati budhi-giyantha athma bor mava mendhodun ropo irsi mandhanur? asal maynalira put-gadmi bahan aser mantha? iv samdho savalkun barethe cokot kari kika inki the idh pusthak puro modhodal the akri veri dhihanthe cokot vaci kimu.