hebri

yesu kiristhu thanva jiva sisi nendthor ani svar‌gnaga thirisi sotthor. vor yesu “nana bagavanthanaga thirisi sottha peje, mi sati pavithra athmathun sari kinthon” inji vagdhan sithor. adh athma vur sisyalir poro reytha. aske vur sisyalir samdhirkun, pathadthaga sonvak baci kiyval yesu kiristhun baretha cokotna kabudun dhuniya puro parcar kither. vur yudha jathither hindhal velletir lokur kircank ather. ahan visvas irthurkun “hebri jathithur kircank” injer keyn‌dhir. vur kircankun poro velle thirk‌ne gacar gandalk ani thak‌libk dhusro lokur vayusther. aske vur kircank, thamva visvasun suti kisi, thirisi padanang kaydhang kanuning kikat injer sonc kither. idhen hindhal vurur mari-miyad gir gat visvas irvalir kircank aya parmaki. vir ihin manvalir hibru jathithur sati, idh cittithun yesunor sevkalirgatal voror lihi kithor. padana niyam puri kiya parmaki, adh bagavanthana iccathun yesu kiristhu puri kithor, invadun barethe idh cittithaga lihi kisi mantha. idh cittith ropo mundh mukke gosting manthang: (1) yesu kiristhuy bagavanthanor mari andhur. vor thanva thanay kastalkun boge maser bagavanthana iccathun puri kiyle thayar athor. vor yesu kiristhu, bagavanthal sari kithur samdhir dhuthalir, par‌vakthalir ani maynalirgatal madanor andhur. (2) yesu kiristhun ther mune pisi matthur daguk katodalir samdhirgatal, yesu sadha pisi manval persor katodal andhur inji bagavanthal thohthor. (3) janvarkun balicadi kiyval ani piysi thakvalik kaydhang kanunk thamakun papk‌nal baci kinthang injer yudha jathither sonc kindhir. bathi papnal, verethal ani maranthal sirip yesu kiristhu vorore baci kiya paranthor injer idh cittithaga mantha. vor yesu vorore sathe ani sadha pisi manval persor katodal injer gir mantha.