luka

idh pusthakun baretha gosti

lihi kithona porol: luka daktaral. ver lukal pavlunor cokotnor dhosthal andhur. (2 thimothi 4:11) pavlu seva kiyle soneke, velle jokang von sanga yathra kithor andhur. (apo. ka. 16:10; 20:6; 27:1-2; pilemon 24; kolas'si 4:14)

lihi kitha kalam: lukal idh pusthakun yesu sasi-nendthang kahi salk‌nen lihi kithor. ver lukal rand pusthak lihi kithor. modhoda pusthak idh andh ani dhusro pusthak aposthulk‌nang karvayk andh.

mukke gosti: papna sakthithal parjathun baci kiyle, bagavanthal nemi kithor vor baci kiyval yesu andhur. vor puttan modhole, von barethe lihi kithang tholethang granthk‌nang vacank puri kiyle, bagavanthana seva bahan suru kithor. thapthang goren dhath manvalir lokurkun baci kiyvale nava kam injer vehthor. yesu parbu, “svarg‌nor maynal” bahan athor? inval gostithun barethe ige lihi kithor. vona putvadi, jin'gani, maynan dhathna putvadithun barethe, meythang samdho cokotnang kabuknal ther idh pusthak‌naga vele podi kisi lihi kithor.

kali nava porol sudsi ayo bathi, iv kamkun sudsi ther na poro barosa irat. ahan mivang dhilk‌naga bagavanthan jaga sikit‌the, “basket jivathe svarg dhipnaga bagavanthan sanga mandhanthit” injer yesu vehthor. yesuna pisvadun barethe lihi kineke, yudhulk burkun the kami pandhe sudn‌dhiro, vurkun dagur-pan siser bagavanthal lukana keydhe idh pusthak‌naga lihi kiyusthor.

idh pusthak dhuniyathur samdhir sati mantha. then vaci kisi, ni jiva basket baga mandhana inval nirnay yetha. dhanevadh!